Ipahigayon karong adlawa ang lauching sa speed gun nga nabatonan sa Land Transportation Office kon LTO region 10.
Sa interview sa RMN Malaybalay ngadto kang LTO 10 Regional Director Oscar Salcedo, gibutyag niini nga sa Lunes, himoon nila ang dry run nga magsilbing education campaign sa buhatan aron magmatngon na ang mga drivers sa gikusgon sa ilang dagan.
Nagpahimangno usab kini nga human sa himoon nga dry run, maghimo na sila sa pagpanakop nga wala nay exemption.
Bisan pa man niini, nanghinaut si Salcedo nga sugdan sa mga draybers ang pagtuman sa balaod trapiko aron malikay sa disgrasya.
Target sa buhatan nga makabaton ug lima ka speed gun and rehiyon sa sunod nga tuig.
Gipasabot ni Salcedo nga dili dali nga makabaton sa mao nga ekipo tungod kay nagkantidad kini sa 580,000 kada usa niini.
