Imbes nga mag-isyu sang temporary operator’s permits sa mga pasaway nga motorista, rosas, face masks, face shields kag alcohol lakip na information materials angot sa land transportation rules and regulations ang ginhatag sang mga traffic enforcers kag personnel sang Land Transportation Office (LTO)12.
Suno kay LTO 12 Traffic Adjudication Service Operations Division Chief Mansour Mangontra ang nasambit nga aktibidad ang kada tuig na nila nga ginahimo kabahin sang ila pagpabakod sang road safety campaign kag pag-upod sa selebrasyon sang Valentine’s Day.
Paklaro pa ni Mangontra nga ginapaagi nila sa aprehensyon ang mga pasaway nga motorista, apang indi nga hatagan sang violation ticket kundi hatagan sang road safety information, face mask, alcohol kag iban pa.
Partikular suno pa sa bayolasyon sang mga motorista nga ginflagged down nila ang , defective lights, napaslawan nga maggamit sang seat belt device, wala nakasuksok sang standard ngahelmet ang driver/ backrider.
Ginpatigayon ang nasambit nga aktibidad sang ahensya kahapon nga adlaw sa mga nagkalain-lain nga lugar sa rehiyon.
