General santos city— Giundang una sa Land Transportation Office-Region 12 ang pagdawat og bag-ong aplikasyon para sa accreditation sa mga driving schools sa SOCCSKSARGEN area.
Sumala ni LTO 12 Regional Director Macario Gonzaga, nagpagawas na kini og moratorium order nga ihunong una ang pagdawat sa mga new applications, gumikan sa nagkadaghan nang ihap sa mga tulunghaan nga gatunol og theoretical driving course.
Gikataho sa opisyal nga sa tibuok rehiyon, adunay 65 ka mga accredited driving schools na ug daghan na kanila ang gareklamo gumikan apektado usab ang ilahang negosyo. Subay sa bag-ong mandato sa LTO, kinahanglang mu-agi una sa Theoretical Driving Course ang mga mokuha ug student permits, bag-ong driver’s license ug additional restriction code, una maaprubahan ang ilahang aplikasyon.(LVR)
