Pormal nang gipasaka ngadto sa Land Transportation Office (LTO) ang “letter complaint” ni Sifriano Disamparado, residenti sa Nasipit Agusan del Norte batok kang Paul Henry Doña, ang traffic enforcer sa LTO nga gireklamo’ng adunay pabor-pabor sa pagpatuman sa balaod trapiko.
Midangop sa RMN DXBC Butuan ang reklamanti aron ipasibaw ang dili patas nga pagtagad ni Doña sa drivers nga nilabay sa gihimung checkpoint sa LTO sa brgy. Bancasi ning syudad sa Butuan kagahapon.
Aminado si Disamparado nga wala siya nagsuot ug setbelt sa gimanehung sakyanan ug andam siyang mobayad sa multa, apan ang dili niya madawat kay buot palabyon lang ni enforcer Doña ang usa ka Pulis nadakpan sa rason nga tinugyanan sa balaod.
Gusto sa nagreklamo nga matagaan ug leksyon sa LTO si enforcer Doña sa dili patas niyang pagpatuman sa balaod sa trapiko.
Ning pagbalita wala pa mihatag sa iyang tuba gang gireklamong LTO Enforcer.
