Mudawat na ang Land Transportation Office kon LTO Malaybalay alang sa mga bag-ong registration sa sakyanan.
Mahinumduman nga sulod sa pila ka tuig, giundang sa buhatan ang pagpadawat sa mga transaksiyon adunay kalambigitan sa new registration.
Sa interview sa RMN Malaybalay ngadto kang Engr. Virgilio Nanol, ang hepe sa LTO Malaybalay gibutyag niini nga usa kini sa kabag-ohan nga ipatuman sa ilang buhatan karong tuiga.
Usa matud pa kini sa dugang function nga ilang himoon sa LTO Malaybalay.
Gipasabot ni Engr. Nanol nga tungod sa mao nga kabag-ohan kung adunay mupalit ug mga bag-ong sakyanan, diha na e proseso sa ilang opisina ang new registration.
Pero giklaro niya nga dili tanang buhatan sa LTO ang gibalik ang mao nga transaksiyon tungod kay ang mga siyudad sa Iligan ug Malaybalay lamang ang gitugutan niini sa rehiyon 10 gawas sa Cagayan de Oro nga kanunay usab kini nga gihimo ddito.
Tungod niini dili na matud pa kinahanglan nga muadto pa sa Cagayan de Oro City ang mga taga Bukidnon nga adunay mga iproseso alang sa new registration.
