Mokapin 60 ka mga de pasaheroan nga Van nga nagbyahe sa dakbayan sa Butuan padulong sa Surigao city ang gi-impound sa human nadakpan sa gilusad nga surprise operation sa Land Transportation Office (LTO) Manila sa pagpanguna ni Col. Rolando Abelardo, ang LTO law enforcement chief.
Gisikop ang maong mga Van human nasuta nga kolorom nga namasada gamit ang tourist nga Franchise.
Gipasabot ni Col. Abelardo nga bawal alang sa tourist Van ang mo-pick up ug pasahero sa kadalanan ug bisan ang pag-terminal tungod kay base sa ilang franchise igu lang sila for hire o sistemang pakyawan diin gilapas sa mga Van operators ang RA 4136.
Multahan ug 200,000 pesos ang mga Van operators adesir nila makuha balik ang na-impound nga mga sakyanan.
Gilusad ang operasyon sa LTO Central Office nga walay koordinasyon sa DOTr Caraga.
Milibot ang tinugyanan sa LTO Central Office dinhi sa Mindanao alang sa paglimpyo sa dagan sa transportasyon nga dugay problema sa kadalanan.
Apan midepensa ang mga Van operators sa pagsulti nga wala sila gipahibalo sa LTRFB sa pagkuha sa tourist franchise nga bawal diya sila mamasada.
Dugtong sa maong balita, Sukwahi sa gipahayag ni Col. Rolando Abelardo, ang LTO Law Enforcement chief sa LTO Central Office nga sumala pa walay koordinasyon sa DOTr Caraga ang ilang operasyon, apan gibarugan ni Cristina Cassion, spokesman sa DOTr Caraga nga aduna silay kasayuran sa maong pagpangsikop.
Sigun sa opisyal nga nationwide gipatuman sa LTO ang pagpangsikop sa kolorom nga Van ug lakip dinhi sa dakbayan sa Butuan.
Aminado si Cassion nga daghang kolorom nga Van dinhi sa syudad apan karon pa gipatuman sa LTO ang estriktong pagpangdakop human ang halos 15 ka tuig nga lu-ag ang implementasyon sa balaod.
Giklaru sa opisyal nga gipatuman sa LTRFB ang moratorium sa pag-isyu ug express franchise apan nasayud ang mga gi-isyuhan ug tourista franchise nga bawal gyud sila’ng mamasada.
Sent from my Samsung Galaxy smartphone.
