LTO Pagadian balik-operasyon na karong adlawa

37

Pagadian City – Sento porsyento na nga andam ang pagbalik-operasyon sa Land Transportation Office (LTO) dinhi sa syudad sa Pagadian karong adlawa.

Subay niini, andam na ang LTO-Pagadian sa pagdawat ug transaksyon sama sa pag-renew sa mga rehistro ug lakip na ang paglukat og pag-renew sa mga lisensya/student permit.


Sigon ni LTO District Chief Johann Macaumbos, naggahin ang ilang buhatan ug duha ka adlaw nga dry run arun masiguro nga kompleto na ang mga gamit nga gikinahanglan sama sa thermal scanner, facemasks, face shields ug gloves.

Lakip sa mga mamahimong kabag-ohan sa pagbalik-operasyon mao ang ilang pag-adopt sa Compressed Work Week, nagpasabot nga lunes hangtud sa huwebes lamang abli ang buhatan ug walay labot ang adlawng byernes sugod alas 7 sa buntag hangtud alas 6 sa gabie.

Estrikto gihapon nga ipatuman ang Social Distancing, ang pagsout og facemask ug ang paglimita sa mga makasulod sa opisina arun sa paglikay sa pagkatag sa COVID19.
Hangyo ni district chief Macaumbos ngadto sa publiko, dili na magdala pa ug daghang kauban arun malikayan ang pagtapok-tapok.

Facebook Comments