LTO-XI: Pulo nabiktima sa fixers

179

Davao City – Mag-atubang og kasong paglapas sa Akta Republika 9485 kun swindling ug stafa batok sa tulo ka nagpailang fixer sa LTO nga mao sila Louie Samuok, alyas Ato ug Alma Flores.

Kahinumdoman midangop sa San Pedro PNP ang kapin napulo ka mga tao human nabiktima sa maong fixer kinsa mitunol og dol-an P40,000 mil sa tulo ka mga fixer silbi bayad sa pagpasar sa exam sa non professional driver license samtang ang uban adunay mga violation.


Base sa report, mga complainants mao sila Mark Paña, 30 anyos, Jeremy Songco, 25 anyos, Elven Vellesas, 26 anyos, May Flotibles, 38 anyos, Violy Jane Casamillo, 21 anyos, Michael Plasabas, 31 anyos, John Kerby Serdena, 31 anyos, Jovert Anog, 31 anyos, Romar Rufole, 35 anyos ug Juliano Manamao, 23 anyos pareho nagpuyo sa ning siyudad.

Sa gihimong esklusibong interview sa DXDC RMN ngadto kang Police Master Sergeant Retchie Paul Lozano nga ilang giandam ang mga ebidensiya batok sa mga suspek aron nga ma-file na ang maong kaso.

Gahapong adlawa, nadakpan sa entrapment operation sa San Pedro PNP gawas sa LTO ang usa ka fixer nga si Alma Damali Flores human gireklamo sa usa ka Ethelberth Sagon.

Sa pagkakaron priso na sa San Pedro Pnp ang suspek ug gikatakdang karong adlawa pasakahan og kaso.

RadyoMan Don Pulayao

Facebook Comments

From Advertisers