General Santos City – nisaad na si City PNP Director Police Senior Supt. Raul Supiter ngadto mga opisyal sa syudad sa Gensan nga iyang tutukan ang nabistong mga “lubog” nga pulis nga anaa sa syudad.
Sumala pa ni Col. Supiter nga hugtanon niyang idili ang “lubog” nga mga pulis kansa gabayad sa ilang kauban aron maoy magduty sa iyang schedule nga duty. Iyang imbistigahan ang maong impormasyon ug iyang pahimangnuan ang tanang mga pulis sa syudad nga dapat muduty gyud panahon sa ilang duty.
Kahinumduman nga mismong si City Councilor Jeng Gacal, Chairman sa Peace and Order and Police Matter sa Konseho maoy nagbulgar niini atol sa session kagahapong adlawa.
Basi sa impormasyon matud pa nga nakaabot kaniya, P12,000.00 ang ginabayad sa usa ka pulis ngadto sa iyang opisyal aron lang sila tugutan nga dili makaduty.
Una na usab nga giangkon ni Col. Supiter nga siya nakadawat ug samang report dihang pag abot gyud niini sa Gensan gani sa wala pa kini nabulgar ni Kagawad Gacal sa Konseho, plano na gyud niya kining imbistigahan.
