Misalmot sa pagsaulog sa ika-70 ka tuig nga anibersaryo sa International Human Rights Day ang grupo sa Lumad Mindanao Movement For Peace and Development Incorporated.
Kini sa pagpanguna ni Datu Armando Bravo ang Founder ug Executive Director sa maong grupo.
Nasayran nga usa ka libo ka mga mag-uuma ug lumad ang mipartisipar karong adlawa kinsa gikan pa sa Impasug-ong, Malaybalay, ug Kitaotao Bukidnon.
Matud ni Datu Bravo nga buot nila ipaabot sa gobyerno ang binuhatan sa mga teroristang New Peoples Army kon NPA sa ilang lugar.
Dugang pa ni Datu Bravo nga ilang nakita nga ang NPA mao ang kusog nga gayatak sa ilang tawhanong katungod ug dili ang gobyerno.
Facebook Comments
