Davao City – Hatud sa sunod-sunod nga linog nga miigo sa Mindanao sa miaging buwan sa Oktubre, girekomendar karon nga magmuntar og luminous kun glow in the dark emergency signage sa tanang establisemento sa siyudad.
Gibutyag ni City Disaster Risk Reduction Management Office Chief Rodrigo Bustillo ang maong sugyot anaa na karon sa committee on peace and public safety ni 1st District Councilor Mabel Sunga-Acosta.
Segun ni Bustillo, tumong niini mao ang pag-institutionalize sa emergency signage aron ma-obliga ang mga patigayon nga magbutang niini.
Magsilbi unya kini nga giya kun direksiyon sa luwas nga agianan sa paggawas sa mga empleyado ug sa ilang mga kliyente sa mga gambalay panahon may hampakon pag-usab og katalagman sama sa linog ug sunog.
Suma ni Bustillo, dili lamang sa mga establisemento ipatuman ang emergency signage apan sa tanang mga barangays.
Sa karon, ang mga establisemento gagmay man o dagko sa dakbayan wala magbaton og gitawag nga emergency signage butang nga kuyaw kini kung mag-uyog na pod og kusog ang kayutaan dinhi sa lungsod.
RadyoMaN Joel Viray
