Davao City – Gibarugan karon sa Luna Legal Resource Center (LLRC) nga kinahanglan ma-edukar ang kabatan-onan partikular ang mga estudyante sa lebel sa elementarya kabahin sa sex education.
Sa interbyu kang LLRC office-in-charge Eunice Casiple, sagad sa ilang mga nahinabi nga kabataan wala nasayod kun misinformed sa unsay sangpotan kung makighilawas sa opposite sex.
Gibutyag ni Casiple nga anaa sa kapin 500 ka mga adolescent children kinsa nag edad sa 15 hangtod 19 anyos ang nahimo nang inahan matag adlaw diin 7% ang kaso sa teenage pregnancy sa Pilipinas mas taas kun itandi sa 4% sa tibuok kalibutan.
Segun usab ni Casiple nga dili angay pasudlon ang mga minor sa pasilidad diin ginahimo ang buhat sa managti-ayon ug usab makatampo sa mga insidenteng teenage pregnancy.
Samtang gilantaw usab sa children’s right advocate ang social media isip factor sa maong problema sanglit gina-tolerate niini ang accessibility sa mga sexual contents sa kamot sa kabatan-onan.
RadyoMaN Jason Amisola
