BUTUAN PIO- Gideklarang Regional Winner ang Barangay Doongan sa pagdumala ni Punong Barangay Gilberto Enriquez sa natigayong Highly Urbanized City Category sa 2021 Lupong Tagapamayapa Incentives Awards Regional Awarding nga gipahigayon sa DILG Caraga . First Runner Up ang Barangay Baan Km3 sa pagdumala ni Punong Barangay/ABC President Gemma P. Tabada ug Second Runner Up ang Barangay Bonbon sa pagdumala ni Segundina Mondia.
Ang lupong tagapamayapa gilangkuban sa punong barangay, kagawad ug tanod kinsa maoy nagpatuman sa barangay justice system sa ingon nga paagi masulbad ang mga kaso sa barangay level pa lamang og dili na mapasaka ang kaso sa korte.
Personal nga gitunol ni DILG RD Lilibeth Famacion CESO III uban nila City DILG Director Charissa T. Guerta CESO V ug ARD Donald A. Seronay ang cash grants ug plaque of excellence sa top 3 barangays. Ang Top 1 midawat og 50k, Top 2 midawat og 15k ug ang Top 3 midawat og 10k.
