Walay bag-ong kaso sa Coronavirus Disease o COVID-19 sa Region 10 sulod sa 24 oras sukad kagahapon.
Matud ni Dr. Ian Gonzales, Infectious Disease Cluster Head sa Department of Health Region 10 nga sa kasamtangan ang na-record sa DOH ang 14 ka mga pasyeteng nagpositibo sa COVID-19.
Gibutyag ni Gonzales nga ang maong mga pasyente, nakumpirmar nga positibo sa sakit nga Covid-19 human migawas ang resulta sa ilang swab testing.
Apan gipasabot ni Gonzales nga ang DOH, nakadawat sa daghang reports nga dunay nga tawo nga nagpositibo sa Covid-19 sa lain laing mga lugar sa Northern Mindanao tungod sa resulta sa rapid test.
Apan giklaro ni Gonzales nga kini nga mga resulta ubos pa sa makuting pakisusi sa DOH.
Facebook Comments
