Davao City – Selos ang gitudlong hinungdan sa pagdunggab-patay sa usa ka maestra sulod sa usa ka Inn sa Apokon road sa Tagum City, Davao del Norte, niadtong adlawang Lunes, July 1, 2019.
Sa interbyu sa DXDC RMN Davao kang Tagum City Police Office spokesperson Police Capt. Anjanette Tirador, giila niini ang ang biktima nga si Teresa Mae Tero, 34-anyos, Alternative Learning System (ALS) teacher sa Mawab, Compostela Valley Province.
Suspek sa pagpatay mao ang uyab nga tomboy sa biktima nga si Charlene Joyce Cruda Ang, 38-anyos, residente sa Prk. 6, Poblacion, Mawab, Comval, human nga wala nisugot ang biktima nga makigbulag sa suspek.
Nasayran nga human napatay ang biktima, gisulayan usab sa suspek nga magpakamatay apan narespondehan kini sa otoridad ug gilayong gidala sa balay tambalanan. Kasong murder usab ang atubangon sa suspek nga ipasaka sa pamilya sa biktima.
“I think mura’g ma file ang case kay ang suspek arrested man pero naa pa sa hospital admitted kay iya man pong gi-attempt, mura’g magpakamatay pud siya after niya napatay iyang partner,” saysay ni Tirador.
RadyoMaN Kirby Manzon
