Davao City – Mag-atubang og kasong kawat ang usa ka lalaki human kini nanglabni og cellphone sa usa ka maestra sa bus terminal sa Sta. Cruz, Davao del Sur, alas 7:35 sa gabii niadtong Lunes (Mayo 23, 2022).
Sa report sa Sta. Cruz Municipal Police Station, giila ang biktima nga si Adelma Dopeño, 43 anyos, minyo, usa ka public teacher ug residente sa Purok Maligaya, Barangay Sinoron, Sta. Cruz.
Sa imbestigasyon, anaa sulod sa bus ang maestra samtang nag-online class kin isa iyang doctoral couse sa dihang kalit lang nga gilabni ang iyang cellphone nga nagkantidad og P16, 000.
Ang suspek nga nailang si alias Raymond, ang nadakpan sa dihang gigukod ug naapsan sa bana sa maestra nga si Jay Adlawan Cudera.
Nangpahimangno ang awtoridad nga mag-doble amping ilabina sa personal nga gamit panahon nga anaa sa pampublikong lugar.
RadyoMaN Kirby Manzon
Facebook Comments
