Maestro nga nag-atubang og kasong administratibo tungod sa patong-patong nga kasong pagpanglugos, gisuspenso sa Deped Region 10

Gisuspenso na sa Department of Education o Deped Region 10 ang usa ka maestro nga nag-atubang og patung-patong nga kasong pagpanglugos.

Ang maestro mao si Sebastian Tulod, Grade 3 teacher sa Hagpa Elementary School sa Impasug-ong, Bukidnon.

Si Tulod, gipasakaan og kasong administratibo niadtong Hunyo 6 ning tuiga sa mga ginikanan sa mga menor de edad nga mireklamong giabuso sa maong maestro.

Tungod sa kasong grave misconduct nga giatubang ni Tulod sa Deped, tulo ka bulan kining suspendido.