Gisikop sa kapulisan ang usa ka maestro nga giilang number 2 most wanted person sa Gingoog City, Misamis Oriental.
Matud ni Police Supt. Ariel Philip Pontillas, Chief of Police sa Gingoog City Police Station nga ang suspek mao ang 51 anyos nga si Joselito Asilo, minyo ug taga Purok 1, Barangay 24-A, Gingoog City.
Gisikop si Asilo sa Robinson Westbound Bus Terminal, Barangay Bayanihan, Butuan City mga alas otso kagabii tungod sa kasong 4 counts sa Acts of Lasciviousness in relation to Republic Act 7610 o mas nailang Protection against child abuse, exploitation and discrimination Act.
Gamit ang warrant of arrest gisikop ang suspek sa hiniusang pwersa sa Gingoog City Police Station, Regional Intelligence Unit sa Region 10 ug Region 13 ug Provincial Mobile Force Company sa Misamis Oriental.
