Sikop sa gihimong drug buy bust operation sa kapulisan ang usa ka maestro ug usa ka-Band Trainer sa MSU-IIT mga 1:45 sa hapon niadtong Lunes sa usa ka motel sa Dao Barangay Hinaplanon, Iligan City.
Matud sa RMN Iligan nga ang suspect mao si Rey Pogosa Briones, 54 anyos, IIT Band Trainer, taga Purok 8C, Barangay Santiago, sa nasangpit nga syudad.
Si Briones napalitan sa usa ka sachet sa gitoohang shabu nga nagkantidad sa usa ka libo ka pesos ug nakuha gikan sa iyang posisyon ang laing upat ka sachet sa gitoohang shabu nga nagkantidad sa 2,500 pesos ug mga drug paraphernalia.
Pasakaan og kasong paglapas sa Republic Act 9165 o Comprehensive Dangerous Drugs Act of 2002 si Briones.
Facebook Comments
