Sultan Kudarat—Patay ang 2 ka tawo ingona man ang suspek sa pagpamusil nga nahitabo pasado 12:45 sa buntag niadtong milabayng adlawng sabado sa may Block 1, Purok Everlasting Barangay New Isabela,Tacurong City.
Subay sa report nga nahagpat sa RMN giila ang mga biktima nga silang Macalimbang Ugali Sacandal, 77 anyos og residente sa maong lugar o gang suspek nga giilang si Jumuel Mastura Utto, nga residente sa may Purok Sarangay Barangay San Pablo Tacurong City.
Samtang samdan ang anak sa biktima nga giilang si Lagaig Utto Sacandal, empleyado sa DENR Region 12 nga gidala sa ospital apan milabay ang pipila ka gutlo namatay usab kini.
Milutaw sa imbestigasyon sa Tacurong City PNP nga anaa matud pa sulod sa ilahang panimalay nangaon ang mag amahan sa dihang kalit lamang nga miabot ang mga suspek nga nakasakay sa XRM Motorsiklo kulor pula og didto gipusil ang 77 anyos.
Apan nakahimu matud pa sa pagsukol ang usa sa mga biktima og naigo ang suspek nga si Jumeul Utto. (Emir Bariquit)
