General Santos City—sikop nag duha ka mag-amahan human nga gireklamo sa usa ka Negusyante human nga nangilad ug nanulis pa sa biktima sa may FVR Vill., Barangay Fatima, Gensan.
Suspek giilang silang si Ernesto Albaracin Jr., 45 anyos ug Ernesto Albarasin Sr., 72 anyos, residenti sa Purok Changco 1-A, Barangay bawing, Gensan.
Basi sa report sa Police Station 7, nasuta nga mipalit ug gatas ang suspek nga si Ernesto Albaracin Sr., ngadto sa tindahan sa biktima,, apan pila ka minutos ang nakalabay-iyang gibalik ang gatas dayon lakaw apan namatikdan sa negusyanteng si Hershey Marie Bango, 36 anyos nga kuwang ang sensilyong gibalik sa suspek.
Tungod niini iyang gigukod ang suspek nga pasakay na unta sa motorsiklong gimanihuan sa iyang anak. Didto niini gibutyag nga kuwang ang kwarta nga gibalik sa mga nasampit ngadto kaniya apan inay mangayog dispensa, nasuko ang suspek nga si Ernesto Albarasin Jr. dayon gitiunan ug screw driver ang biktimang negusyante.
Gikuot pa sa suspek ang bulsa sa biktima dayon gikuha ang P500.00 nga kwarta dayon sibat. Paspas man usab nga nakaresponde ang mga bystander sa lugar ug gigukod ang mga suspek kung asa nakorner ang mga nasampit sa Barangay Tambler.
Sa karon balhog na sa silda sa Police Station 7 ang mga suspek ug takda nang pasakaan ug kaso.
