Ginpasaka na kahapon ang kaso nga pag-violate sang Section 5 sang RA 9165 ukon Comprehensive Dangerous Drugs Act of 2002 batok sa mag-amay nga Magondacan.
Ini angot sa operasyon sang Bacolod City Police Office nagligad nga sabado sa diin kapin sa 500 gramos nga suspected shabu ang na-recover.
Nadakpan sa buy bust ang 17 anyus nga menor de edad sa diin ini siya ang ginpasaka-an sang kaso nga pag-violate sa Section 5 kag Section 11 sang RA 9165.
Suno sa hepe sang City Drug Enforcement Unit – Police Lt. Col. Leonardo Borromeo, nga daku ang mabulig sa ila kampanya batok sa illegal nga droga ang 500 gramos nga recovery sa diin makahagan-hagan ini sang suppy sang shabu sa Bacolod.
Dugang pa ni Borromeo nga ang mag-amay nga Magondacan ang nagapa-gwa sang kapin 200 tubtob 400 gramos sa sulod sang isa ka semana.
