Mag-asawa nga Yao gintiro sang riding in tandem sa compound sang Redemptorist Church

BACOLOD CITY – Isa ka shooting incident ang natabo sa compound mismo sang Redemptorist Church Barangay 5, Bacolod City las 8 pasado subong nga gab-i.

Ang mga biktima ginkilala nga sanday Alex Yao, 50 anyos, may igo sa iya dughan samtang ang iya asawa nga si Maria Teresa, 50 anyos ang naigo sa iya nga kamot.

Ang mag-asawa ang kilala nga negosyante kag tag-iya sang TPY Foreign Exchange nga nahamtang sa Hilado Street, syudad sang Bacolod, kag madamo pa nga negosyo.


Nahibaluan nga bag-o lang natapos ang simba ang mag-asawa kag sang hana na masakay sa ila awto nga Mercedes Benz (GS 2524), kolor puti, nagpanghatag pa sila sang kuarta sa duha ka mga kabataan, sang gulpi lang ginpalapitan sang riding in tandem.

Nakabonet ang mga suspek kag gilayon nagpalagyo matapos ang kremin.

Gindala naman sa Riverside Medical Center ang mag-asawa kag padayon ginahibalo ang ila latest medical bulletin.

Facebook Comments