General Santos City–Padayon ang ginahimong manhunt operation karon sa kapulisan sa PRO12 batok sa ma- igsuon nga silang Arafat Bulacon ug Mohammad Bulacon nga gikaingong myembro sa grupong AKP human nga nakasibat kini sa gipahigayon nga raid ug emplimentasyon sa Warrant Of Arrest tungod sa kaso niini nga murder sa Prk 1, Barangay Palian, Tupi, South Cotabato.
Sumala pa ni P/Supt Aldren Gonzales, Spokesperson sa Police Regional Office-12 nga ang mga suspect ang myembro sa nabungkag nga grupo ni Tokboy Maguid nga Ansar Al Khilafa Philippines nga nagtaguan sa maong lugar human nga mamatay ang ilahang lider.
Samtang bisan paman matud pa ug nakasibat sa kamot sa balaud ang duha ka mga target nasikop man usab sa kapulisan ang amahan sa mga suspect nga si Akmad Bulacon ug ang duha niini ka igsuon nga silang Muktar Bulacon ug Zandro Bulacon kung asa nakuha ngadto sa ilahang panimalay ang mga eksplosibo armas, motor ug flag sa teroristang grupo nga ISIS.
Dugang pa ni P/Supt Gonzales nga ilaha man usab giimbistiagahan karon kung duna bay kalabotan ang mga nasangpit sa pagpatay sa usa ka pulis sa Tupi nga si PO1 Achelis Tablazon niadtong milabay nga bulan human nga ang motor nga nakuha sa panimalay sa mga suspect maoy motorsiklo nga gigamit sa mga suspek sa pagpatay sa biktimang pulis. (Dave Silagan)
