SILAY CITY, NEGROS OCCIDENTAL – Patay ang mag-iloy matapos nalunod sa isa ka suba sa Barangay E. Lopez, Silay City sang nagligad nga Martes, December 18.
Ginkilala ang mga biktima nga sanday Malou Caloring, 34 anyos kag ang iya 14-anyos nga bata nga babayi, lunsay pumuluyo sang Bais City, Negros Oriental.
Ginpahayag nga si Caloring, upod ang iya duha ka mga kabataan nga naga edad 2 kag 14 anyos lakip na ang iya bana ang nagkadto sa Brgy. E. Lopez, Silay City sadtong Lunes, December 17 agud nga magbisita sa ila pamilya para sa paskwa.
Sang Martes, December 18, nagpanglaba ang biktima sa Malisbug River sa amo nga lugar kag nag-upod ang duha niya ka mga kabataan nga mga babaye.
Apang, ang duta nga ginaplastaran sang mga ini ang natiphag rason nga nagkalahulog sa tubig ang mga bata sang biktima.
Bangud sini, una nga nasalbar sang iloy ang iya duha ka tuig nga bata kag sang iya naman gintuyo nga salbaron ang iya 14-anyos didto na ini kag nalumos subong man ang iya bata.
Apesar nasalbar ang duha ka tuig nga bata, wala naman nasalbar ang duha kag ini sila ag nalunod.
Gindala pa sa Teresita Lopez Jalandoni Provincial Hospital ang duha ka mga biktima apang ini sila ang gindeclare nga dead on arrival./dyHB BACOLOD
