Davao City – Dakpan ang mag live-in nga miyembro sa New People’s Army kun NPA human gisilbi kanila ang warrant of arrest sa Sitio Camarine, Barangay Napnapan, Pantukan, Compostela Valley Province kagahapong adlawa, October 7, 2019.
Giila sa Police Regional Office kun PRO XI ang mga dinakpan nga sila Ricardo Robal Bisaya, Alias “Jonas”, 26 anyos ug residente sa Purok New Cebu, Barangay Limot, Tarragona, Davao Oriental samtang ang usa giilang si Lovely Jane Biligay Seroño, Alias “Jamaica” 22 anyos nga taga Purok Baktinan, Barangay Don Mariano Marcos, Lupon, Davao Oriental.
Sumala ni PRO XI regional director Police BGEN Marcelo Morales nga ang giilang si alias Jonas adunay pending warrant of arrest sa pagpangidnap sa usa ka police officer niadtong tuig 2017, robbery niadtong 2018 ug homicide niadtong Agosto ning tuiga lamang lakip sa kasong homicide mao si Alias Jamaica.
Sa karon gikustodiya na sa Lupon Municipal Police Station ang mga dinakpan.
RadyoMaN Renz Barbarona
