General Santos City–Tudo Depensa ang mag-live-in partner nga silang sio Kenrick Japarol, legal age, ug Glady’s Joy, legal age, residenti a Zone 11-C barangay Fatima Genasn kansa una nang nasikop sa gihimong buybust operation sa Police Station 3 niadtong nakalabyang simana.
Nasayran nga nadakpan ang mga nasangpit sa may NLSA road, Barangay Lagao Gensan human nga napalitan ug usa ka sachet sa gituohang shabu.
Sumala ni Kenrick nga sila gipugos matud pa sa ilang kaila nga mupalit ug droga apan wala pa sila kapalit kalit lang matud pa silang gibabagan sa mga nakasibilyan nga pulis dayon gitiunan ug pusil.
Gibutyag usab ni Gladys nga gikan sila sa balay sa ilang ginikanan ug pauli na unta sa ilang panimalay. Apan nag sige matud pa ug panawag ang ilang kaila maong ila nalang kining gihapitan.
Pag abot sa NLSA Road didto na sila gibabagan sa mga pulis dungan sa pagdeklara ug buybust operation. Dugang pagbutyag ni Gladys nga gikulata pa ang iyang bana atubangan niya ug a ilang anak.
Giangkon hinuon ni Gladys nga sila naggamitan ug iligal nga droga apan wala matud pa sila nagapamaligya. Nasayran nga sa kasamtangan ang mag live-in partner balhog na sa silda sa Police Station 3 ug napasakaan na ug kaso.
