General Santos City—Dakong tabang alang sa mga drug dependent nga mitahan na sa ilang kaugalingon ug sa mga buot pang mutahan ang tukurang drug Rehabilitation center sa may Purok Banualan, barangay Tambler Gensan.
Sumala ni Tambler Kagawad Carlos Calinawan, Chairman sa Committee on Peace and order sa maong barangay nga ang luna gidunar matud pa sa pamilyang Bualan samtang ang pundo gidunar sa usa ka pribadoing kumpanya inabagan sa lokal nga panggamhanan sa syudad.
Dugang pagbutyag ni kagawad Calinawan nga ang maong proyekto adunay pundong 10 million pesos.
Gibutyag ni Kagawad kalinawan nga kung kini mahuman na makabenipisyo gyud niini ang mga drug dependent sa syudad.
Ang maong pasilidad maoy mutabang sa mga drug dependent nga mabag-o ang kinabuhi ug labaw sa tanan mutabang kanila aron nga byaan ang bisyong paggamitan ug iligal nga droga.
