Pontevedra PNP- Patay ang persona nga ginkilala kay Pelome Bangud y Balois, 42-anyos ang pang-edaron samtang kritikal ang utod sini nga nakilala kay Melfer Bangud, 34-anyos ang pang edaron matapos ginpangluthang samtang yara sa sulod sang binaylehan sa Brgy Lantangan, Pontevedra, Capiz alas 9:50 sang gab-i.
Nag-angkon sang patal nga pilas sa nawala nga dughan si Pelome kabangdanan sang gilayon sini nga kamatayon samtang pilas naman sa tiyan kag kilid ang naangkon sang manghod nga si Melfer.
Suno sa imbestigasyon sang Pontevedra PNP, nagluntad ang komosyon malapit sa lamesa nga gina-okupar sang mga biktima kontra sa wala pa matumod nga suspek. Ginsundan ini sang pila ka lupok sang pusil.
Wala madugay, nakit-an ang duguon nga lawas sang mga biktima.
Narekober sa lugar ang lima ka empty shell sang. 45 caliber pistol samtang ginahibalo pa ang identity sang suspek.
