BACOLOD CITY – Isa ang patay kag isa ang samaron matapos nga ginpangluthang ang mag-utod kagab-i sa sulod sang ila balay.
Ang biktima nga dead on arrival sa Doña Corazon Locsin Montelibano Memorial Regional Hospital ang ginkilala kay Walter Gain, 40 anyos nga may igo sang bala sa iya nga dughan samtang pilason naman ang magulang sini nga Romeo Gain, 47 anyos nga may igo sang bala sa iya nga batiis.
Ang mag-utod ang lunsay residente sang Purok Mahimulaton, Barangay Banago.
Suno sa imbestigasyon sang mga kapulisan pasado alas 8:30 kagab-i, ginsulod sang tatlo ka wala makilala nga mga persona nga may tabon ang ila mga guya ang puluy-an sang mag-utod kag hinali lamang sila nga ginpangluthang gamit ang kalibre .45 nga pistola.
Narecover naman sang mga kapulisan ang mga basiyo sang bala gikan sa cal. 45 pistol.
Samtang nagapadayon pa ang man sang mga otoridad sang Police Station 3, kon ano ang motibo sang insidente kag kon sin-o ang mga suspetsado nga nagluthang sa mga biktima.
