GUIHULNGAN, NEGROS ORIENTAL – Isa ka school principal kag ang iya manghud nga babayi nga isa ka DepEd official patay matapos nga ini sila ang gintiro sang wala pa natumod nga kadamuon sang armado nga mga kalalakihan may mga las 12:55 kaina sang kaagahon sa Brgy. Hibaiyo, Guihulngan City, Negros Oriental.
Ang mga biktima nakilala nga sanday Arthur Cordevilla Bayawa, 55 anyos, single, school principal sang isa ka Science High School kag si Ardale Cordevilla Bayawa, 49 anyos, single, CID chief sang DepEd Division of Guihulngan kag lunsay residente sang Brgyl Hibaiyo, ciudad sang Guihulngan.
Base sa pagpangusisa sang Guihulngan City Police Station sa pagpanguna sang hepe sini nga si Lt. Col.Bonifacion Tecson may pila unidentified nga armado nga mga lalaki nga pwersa nagsulod sa balay sang mga biktima.
Ila gin guba ang kandado sang mayor nga pwertahan kag sa wala matumod nga rason, ginpangtiro ang mga biktima sang makapila ka beses kag naigo sa nagkalain lain nga bahin sang ila lawas.
Gilayon nga nagpalagyo ang mga suspek pakadto sa na norte nga direksyon sakay sang wala pa mahibalua nga get away vehicle.
Gindala sang mga nagresponder nga katapo sang PNP kag rescue team ang mga biktima sa guihulngan district hospital apang ini sila ang gin declare dead on arrival.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
