Naka-abot na sa Iloilo ang mag-utod nga mangingisda sa Brgy. Baguingin, Tigbauan nga una na gin-report nga missing sadtong Disyembre 30, 2017.
Emosyonal ang bug-os nga pamilya nanday Reyland,24-anyos kag Reynelo Fernandez, 22-anyos sang ila ginsugat ang mag-utod sa Iloilo International Airport.
Suno sa asawa ni Reynelo nga si Anita Zareno, daw indi sila makapati nga naka-survive ang mag-utod bangud 10 ka adlaw nga nagpa-utaw-utaw ang mga ini sa kalalawran apang dako ang iya pagpasalamat nga na-rescue ang mag-utod.
Nahibaluan nga nakita sang isa ka fissing vessel ang mag-utod nga naga-utaw-utaw sa kalalawran sang Palawan sadtong Enero 6 kag gin-turn over ang mga ini sa Philippine Coast Guard kag sa pagbinuligay sang tanan upod ang Office of the Civil Defense kag sang Tigbuan Municipal Disaster Risk Reduction and Management Office, luwas nga naka-abot sa Iloilo ang mag-utod.
