PULUPANDAN, NEGROS OCCIDENTAL – Nagapatigayon na karon sang search and rescue operation ang banwa sang Pulupandan para makita ang mag-utod, isa diri ang menor de edad, nga missing humalin pa kahapon sang hapon.
Ang mag-utod nakilala nga sanday Ruben Palmajera, 18 anyos kag ang iya utod nga 15 anyos nga lalaki, lunsay pumuluyo sang banwa sang Pulupandan.
Suno sa pamilya sang mga biktima nga may mga las 3 kahapon sang hapon, naglakat ang mag-utod agud nga magpangisda gamit ang ila gamay nga pumpboat.
Pahayag sang pamilya nga sa masami ini sila ang makapauli na sa gab-i ukon sa kaagahon matapos makalakat, apang sini nga tion, wala pa nakabalik ang mag-utod.
Bangud sini, gilayon nga nagpangita ang ila mga himata kag kaingud sa biktima kag kaina sang aga, nakita ang bangka sang mag-utod nga nagalutaw-lutaw sa kadagatan nga nasakup sang ginatawag Crocodile Island sa Inampulugan Island nasakup sang probinsya sang Guimaras.
Ginpahayag nga intact ukon wala sang guba ang motor banca sang mga biktima./dyHB BACOLOD
