ESCALANTE CITY – Nagkalaospital ang mag-utod matapos ini ang pinangbuno sang bata sang tag-iya sang balay sa diin dira nagpanago ang bata sang biktima.
Nakilala ang mag-utod nga sanday Elias, 54 anyos kag Fedel, 61 anyos tanan sang Sitio Magtalisay 1, Barangay Servantes.
Natabo ang insedente sang Biyernes Santo, Abril 19.
Sa pagpangusisa sang Escalante City PNP, nagpatunga ang amay nga si Fedel, isa ka Barangay Tanod sa away sa away sang iya kabataan nga sanday Elbert kag Paul.
Imbes nga magpamati sa amay, kinagat pa ni Elbert ang wala nga dalunggan sang tatay kag nagdalagan sa balay ni Alan Japitana, amay sang suspek Joel Japitana.
Ginlagas pa ini ni Tatay Elias kag ginhambalan si Tatay Alan nga paguwaon ang iya bata.
Ginhabuyan pa niya sang malain nga tinaga tubtob sa ulihi nga ginkastigo nila si Tatay Alan upod ang iya utod nga si Fedel.
Sang nakita ini sang suspek nga si Joel nga ginakastigo ang iya amay, gilayon ini nagkuha sang kutsilyo kag pinangbuno ang duha.
Igo si Elias sa wala nga dughan samtang sentro gid sa dughan ang igo ni Fedel kag ara karon confined sa Vicente Gustilo District Hospital.
