General Santos City—Anaa na karon sa kustudiya sa Glan Municipal Police Station ang armas sa usa ka mag-uuma nga si Letimo Lanciso, legal age, residenti sa Purok Matibay, Barangay Baliton, GLan, Sarangani Province human niining gisurender ang iyang mga pusil sa awtoridad.
Nasayran nga una nang giadtuan sa mga opisyal sa Barangay Baliton, Glan ug sa kapulisan ang panimalay ni Lanciso aron nga kini hangyuon nga itahan ang iyang armas subay na usab sa kampanya sa kapulisan sa lungsod batok loose firearms.
Buluntaryo man nga gisurender sa nasampit nga mag-uuma ang iyang homemade nga shotgun ug homemade nga cal. 38 nga pusil.
Rason ni Lanciso sa pagbaton ug armas mao ang proteksyon matud pa sa iyang kaugalingon ug sa iyang mga binuhing mga hayop batok sa mga kawatan.
