Davao City- Patay ang usa ka mag uuma human nadunggaban alas 8:30 sa gabii nahitabo sa Purok 5 Brgy. Buda Marilog District, siyudad sa Davao.
Subay sa report gikan sa Davao City Police office (DCPO), giila ang nadunggaban nga usa ka Eric Samalboro, 28 anyos samtang ang nakadunggab nailhan nga si Arnold Abadon, 30 anyos, parehong residente sa nasangpit nga lugar.
Sa imbestigasyon sa kapulisan, gipahunong ni Samalboro si Abadon nga sakay sa iyang motorsiklo sa nasangpit nga lugar ug unang nanunggab sumala pa si Abadon igo sa walang bahin sa tiyan apan nailog ni Abadon ang kutsilyo ug gibalusan og dunggab si Samalboro igo sa iyang liog resulta sa hinanaling kamatayon.
Human sa hitabo, si Samalboro nga samaran, daling gidala sa Southern Philippines Medical Center (SPMC) aron matambalan.
Narekober sa kapulisan gikan sa crime scene ang usa ka kutsilyo nga gigamit sa pagpanunggab ug nasuta sa kapulisan ang motibo sa pagdunggab una ni Samalboro kang Abadon mao ang ilang dugay na nila nga bangi.
Sa karon, gihaya na sa Angel funeral homes Calinan ang patayng lawas ni Samalboro.
RadyoMaN Don Pulayao
