Patay nang niabot sa ospital ang usa ka mag-uuma human gipusil sa wala mailang suspek.
Ang biktima mao ang 47 anyos nga si Raul Gansan Cailing, minyo ug taga Purok 7, Barangay Linabo, Balingasag, Misamis Oriental.
Matud ni Police Sr. Insp. Esmael Gundaya, Officer-in-charge sa Balingasag Municipal Police Station nga nahitabo ang pagpamusil mga alas 10:30 kagabie sa balay mismo sa biktima.
Gibutyag ni Sr. Insp. Gundaya nga basis a ilang gihimong imbestigasyon, nasayran nga tulo ka suspek ang nanuktok sa balay sa biktima kinsa nagtaptap sa nawong gamit ang t-shirt.
Bangi sa yuta ang gituohang motibo sa pagpusil patay kang Cailing.
Nasayran nga human sa hitabo, gisulayan pa og dala ang biktima sa ospital apan patay na kining miabo
Facebook Comments
