Mag-uuma gipusil sa mag-uuma, patay

30

Davao City- Gisusi pa karon sa kapolisan sa Magsaysay Davao Del Sur, kung unsay motibo sa pagpusil patay sa usa ka mag-uuma sa Magsaysay, Davao Del Sur niadtong nakalabay’ng gabii.

Subay sa blotter sa Magsaysay Municipal Police Station, Davao del Sur, ang biktima giilang si Allan Dulay Noe, 30 anyos, mag-uuma ug nagpuyo sa Purok 4 , Sitio Magulang, Barangay Malibay, Magsaysay Davao Del Sur, samtang ang suspetsado mao si Samuel Sandingan, 50 anyos, mag-uuma nga taga Purok Sinang, Barangay San Isidro, Magsaysay Davao Del Sur.

Base sa imbestigasyon, natigayon ang pagpamusil mga alas 12:00 ang takna sa kagabhion samtang nagtindog gawas sa iyang pinuy-anan, kalit na lamang giduol ug gipusil ang biktima gamit ang wala masayring armas nga miresulta sa iyang kamatayon. Human sa pagpamusil ang suspect gilayong milayas samtang ang kapolisan nagpadayon pa sa ilang imbestigasyon.

Kasamang Paul Canono

Facebook Comments