General Santos City–Gikabutyag ni PSI Samuel Bascon ang labaw sa Tupi Municipal Police Station nga personal grudge ang gilantaw nila nga motibo sa pagpusil patay sa usa ka mag uuma nga si Mario Miranda, 57 anyos, minyo residente sa Purok 2, Crossing Rubber Tupi, South Cotabato.
Sumala pa ni Bascon nga alas 9:10 sa buntag kagahapong adlawa nahitabo ang insidente sa nasampit nga lugar samtang sakay sa bisekleta ang biktima padulong sa iyang uma giatangan matud pa kini sa mga suspek nga nakatago ng daan sa lugar og diretso pusil sa ulo sa nasampit nga biktima gamit ang kalibre .45 nga armas.
human sa maong panghitabo gilayong gidala ang biktima sa Mdrrmc sa ospital sa pamasin nga masalbar pa ang kinabuhi sa biktima apan sa paghidangat niini gideklara og dead on arrival sa attending physician. Samtang gilayong misibat usab ang mga suspek human sa krimen nga ilang nahimo.
karong adlawa ipasang-at na ang kasong murder sa kapolisan batok sa mga suspetsado.
