Patay an isa ka 28 anyos na mag -uuma human ini tagsungag sa ija kaugalingon na binuhing carabao o kabaw samtang nagdaro sa ija umahan . An biktima nakilay- an na isa ka Ulysses Orcejola,taga Purok2, Barangay Serna inin syudad. Sumaya pa sa sumbong sa igsoon sa biktima ngadto sa kapolisan na si Rafunsil Orcejola, na samtang an ija igsoon nagdaro sa umahan kagaina buntag sa may alas 7:30 an oras , gamit an amo na carabao kalit lamang na nagwala o nag-wild an kabaw dajon giataki kaugalingon an biktima gamit an sungay nan ini sa pagsungag hinungdan na grabe an naangkon na samad sa siki , paa sanan hawak. Tagdali pa sa pagdaya sa Caraga Regional Hospital an biktima sa mitabang na silingan na nakakita pero tagdeklara na ini na Dead On Arrival sa mga mananambay. Sa pagkakuman , plano sa pamilya nan biktima na ibaligya na lamang an “killer carabao” para may pambayad sa punerarya tungod kay way gajud ila kwarta.(RadyoMaN Jerson Fuentes)
