General Santos City—samdan ang usa ka mag-uuma human kining gitigbas sa iyang silingan sa may Purok Nards, Barangay Sinawal, Gensan.
Ang biktima giilang si Montaser Malanto, 36, residenti sa Purok Nards, Barangay Sinawal. Subay sa report alas 8:00 sa gabie dihang nag away matud pa ang suspek nga si Teodoro Moralde ug asawa niini. Kalit matud pang misinggit ang biktima nga gikasuko sa suspek.
Mikuha kini ug sundang dayon giduol ang biktima ug gitigbas tulo ka higayon. Samad sa iyang dughan, ulo ug kamot ang naangkon sa nahisgutan kansa gidala gilayon sa iyang mga kabanay sa Dr. Jorge Royeca Hospital.
Misurender usab ang suspek sa buhatan sa kapulisan human nakonsensya sa iyang gihimo. Sa karon wala pay klarong desisyon ang biktima kung iya bang pasakaan ug kaso ang suspetsado.
