Nasikop sa mga kapulisan ang usa ka mag-uuma sa kasong Frustrated Homicide atol sa operasyong gipahigayon pasado alas 6:41 sa buntag adtong Biyernes didto sa Purok-5, Barangay Laguitas, Malaybalay City, Bukidnon.
Giila ang suspek nga si Joel Padua, 60 anyos, mag-uuma, ug residente sa naasoy nga lugar.
Gipasakaan sa Warrant of Arrest ang suspek sa kasong Frustrated Homicide nakadokit ilawom sa criminal case no. 9935-99, nga gi-issue ni Rolando S. Venadas Sr. Presiding Judge sa Regional Trial Court, 10th Judicial Region, Branch 9, Malaybalay City, Bukidnon pinitsahan Setyembre 19, 2005 nga adunay girekomendang piyansa nga mukabat sa P70,000 alang sa temporaryong kagawasan.
Gibalhog karon sa Malaybalay City Police Station ang suspek alang sa tokmang disposasyon.
Facebook Comments
