Nadakpan sa gipahigayong operasyon sa mga kapulisan ang usa ka mag-uuma nga illegal nga naghupot og armas pasado alas 5:35 sa buntag kagahapon didto sa Sitio Badiang, Barangay Sagundanon, Kitaotao, Bukidnon.
Giila ang suspek nga si Rogelio Damayo, 50 anyos, mag-uuma, ug residente sa naasoy nga lugar.
Gipangunahan sa mga personahe sa Kitaotao Municipal Police Station ang maong operasyon pag-issue sa Search Warrant no. 79-22 sa paglapas sa RA 10591 kon Comprehensive Use of Firearms and Ammunition Regulation Act.
Narekober gikan sa posesyon sa suspek ang usa ka unit sa improvised 12-gauge shotgun, lima ka mga buhing bala niini, ug upat ka buhing bala sa kalibre .45 nga pistola.
Ang mag-uumang suspek ang gidala na karon sa prisuhan sa Kitaotao Municipal Police Station lakip ang mga nakompiskang ebidensya alang sa eksiminasyon.
Kasong paglapas sa RA 10591 kon Comprehensive Used of Firearms and Ammunition Regulation Act ang atubangon sa suspek.
Facebook Comments
