Gilamoy sa kalayo ang usa ka panimalay didto sa Purok-6, Barangay Violeta, Malaybalay City pasado alas 11 sa udto kagahapong adlawa.
Sa interview sa RMN Malaybalay ngadto kang FO2 Brent Clyde Suico, sa Bureau of Fire and Protection (BFP)-Malaybalay, gipanag-iyahan ang maong panimalay ni Teodoro Limocon Jr. ug gipuy-an ni Keith Limocon Pepito.
Wala matud pay fatality ug injured sa maong sunog apan miabot ang damyos sa kapin P500 tawsan.
Miabot lang matud pa sa 1st alarm ang maong sunog nga nakonsiderang fire-out mga alas 11:39 sa udto.
Electrical issues matud pa ang gikataho nga hinungdan sa maong sunog diin nagsumikad sa southern nga bahin sa balay ang pagkatag sa kalayo.
Panghimangnu nalang ni FO2 Suico sa katawhan nga magbantay sa mga posibleng tinubdan sa sunog aron nga mahilikay niini ug magpabilin nga luwas ang komunidad.
Facebook Comments
