Prisohan karon ang gidangatan sa usa ka mag-uuma human kini nahulog sa mga kamot sa kapulisan sa lungsod sa Siayan, sa gihimong nilang operasyon.
Sikop si Lorenzo S. Andile sa manhunt operation didto sa Sitio Taque, Barangay Dagatan, Siayan, ZDN.
Nasikop kini siya pinaagi sa warrant of arrest nga ge isyu ni Presiding Judge Nimfa B. Carreon- Padao, sa kasong Theft, penetsahan ug Mayo 29, 2018, ilawom sa CC no. 12967, samtang nag tanyag ang korte sa pyansa nga mokantidad sa P12,000mil ka pesos.
Ang akusado anaa karon gidala sa Sindangan District samtang nagpaabot nga maka pyansa bugti sa iyang kagawasan.
Samtang sikop sa kapulisan sa Katipunan ang usa ka indibidwal nga nakalapas sa city ordinance no. 107 human kini nalutsan ug warrant of arrest gikan kang Judge Kenneth P. Rosal sa MTCC, branch 2, Dipolog City ilawom sa CC no. B-46780. Adunay pyansa nga P2,000mil alang sa iyang temporaryong kagawasan.
Didto nasikop si Aldren Elemia Lumayaw sa mga pulis sa brgy. Singatong, lungsod sa Katipunan.
Karon gawasnon na sa bilangguan human nga dali ra usab naka pyansa sa kantidad nga gipangayo kaniya.
