General Santos City—Himas Rehas na sa silda sa Polomolok Municipal Police Station ang mag-uyab nga silang si John Mark Lucero, legal age, ug Alias Ailyn, 17 anyos, pulos residenti sa Barangay Poblacion, Polomolok, human nga nasikop sa gihimong buy-bust operation nga gipahigayon sa Maria osa Vill., Barangay Poblacion sa maong lungsod alas 3:00 ang takna kagahapong adlawa.
Napalitan ang mga nasampit ug usa ka sachet sa gituohang shabu gamit ang P500.00 nga marked money.
Si Lucero newly identified nga lambigit sa iligal nga droga apan dugay na usab nga gipanid-an sa kapulisan gumikan sa paglambigit niini sa iligal nga gimbuhaton.
Kasong kalapasan sa RA 9165 ang atubangon sa suspetsadong si Lucero, samtang takna usab nga iturn-over ngadto sa MSWDO sa Polomolok ang minor de edad niining uyab.
