Nagpahimangno ang National Movement for Free Elections o NAMFREL ug ang Parish Pastoral Council for Responsible Voting o P-P-C-R-V sa posibleng tikas ug kalibog sa eleksyon sa Lunes, Mayo 14.
Matud ni Tony Villasor, P-P-C-R-V executive director, mas maayo nga andamon sa mga botante ang ilang cellphone camera alang sa vote buying tungod kay posibling magbinayranay sa dili pa mosulod sa presinto o pagkahuman og botar.
Gibutyag ni Villasor nga duna usay ginabayran aron dili na mobotar aron makunhoran ang boto sa kontra.
Naghangyo usab si Villasor nga dili magpadala sa kwarta o utang kabobot-on ang mga botante.
Gisiguro usab sa NAMFREL nga usa sa mga bantayan nila ang mga ballot boxes nga angay masigurong walay sulod sa dili pa magbukas ang mga presinto sa alas-siete sa buntag sa Lunes.
Magbutang usab sa mga assistance desk ang P-P-C-R-V alang sa mga mangita sa ilang polling precinct ug alang sa mga senior citizen, buros ug persons with disability.
