ILOILO CITY – Gindala sa Western Visayas Medical Center si Kevin Beleran, 18 anyos sang Calajunan, Mandurriao kag ang iya menor de edad nga nobya matapos gindumpog sang ila ginasakyan nga motorsiklo ang baka sa Brgy. Lanit, Jaro alas 9:19 kagab-i.
Nahibaluan nga gindul-ong sang nobyo ang iya nobya gamit ang Sniper 150 nga motorsiklo, nagaduag pula kag nagabalor sang 160,000.00 sang ila gindumpog ang baka sa nasambit nga lugar.
Lunsay natumba ang baka kag ang motorsiklo sang magnobyo apang nabali gid ang kamot ni Kevin samtang pilas sa guya, tuhod, butkon, ulo kag likod ang naagum sang menor de edad nga nobya.
Photo from web/ not the actual photo
Facebook Comments
