NEGROS OCCIDENTAL – Nagaplano karon ang City Enviroment and Natural Resources Office (CENRO) sang DENR sa Bacolod nga buy-an sa kabukiran sang Salvador Benedicto ang isa ka Magkal nga nadakpan sa Brgy. Villamonte sang nagligad nga adlaw.
Kahapon, ginturn-over sang Brgy. Villamonte sa pagpanguna sang ila Punong Barangay nga si Friday Solinap sa Department of Environment and Natural Resources Office diri sa Bacolod ang Magkal nga na-trap sa kurong sang manok nga buot niya kuntani kaunon.
Nagapati ang mga pumuluyo sa amo nga barangay nga ang ini nga man-ug ang responsible sa pagkadula sang madamo na nga kasapatan sa ila lugar.
Samtang, sa examination naman nga ginpatigayon sang DENR, ang amo nga Magkal ang nagalaba sang kapon 14.6 feet kag nagabug-at naman sang masobra 40 ka kilo.
Ginpahayag ni CENRO Officer Joan Gerangaya nga igapaidalum nila sa physical examination ang amo nga man-og kag kon wala ini sang ginabatyag nga balatian, gilayon nila ini nga buy-an.
Nahibaluan nga may yara sang nagakaigo nga kasuguan nga nagahatag proteksyon sa mga wildlife kag pinalidad sa mga magalapas sini./dyHB BACOLOD
