Magmosketero nalang inig mokaon!
Kini ang kahimtang sa mga residente sa Barangay Quezon, Gitagum, Misamis Oriental.
Tungod kay dili na maantos ang problema mibisita sa dxCC-RMN Cagayan de Oro karong buntag ang 50 kapin kon kulang ka mga residente sa nasangpit ng barangay sakay sa tulo ka dagkong sakyanan.
Matud ni Barangay Kagawad Saturnino Pitalyar nga nag-antos ang katawhan sa kabaho sa iti sa manok ug kadaghan sa langaw tungod sa mga binuhing manok.
Gibutyag ni Kagawad Pitalyar nga mokabat sa 19 ka tawo ang nagbuhi og manok nga duol ra sa mga kabalayan.
Kini naglakip na nilang:
1. Engr. Nestor Illana – nagtrabaho sa D-O-H Misamis Oriental
2. Junior Orquillas – Presidente sa mga gabuhi og manok
3. Bajing Illana
4. Boboy Namocot
5. Julo Onor
6. Bebot Donque
7. Bajig Donque
8. Mira Namocot
9. Christopher Maagad
10. Depse Yana II
11. Raul Calam
12. Marlin Janubas
13. Berto Timba
14. Desoy Shona
15. Eddie Dragon
16. Roberto Namocot Jr.
17. Nonoy Abejo
18. William Palasan
19. Mary Jane Roa
Gidugang ni Pitalyar nga wala maaksyoni sa mga opisyales sa Barangay Quezon ang maong reklamo tungod kay ga-sige matud pa og solicit ang mga opisyales sa barangay ngadto sa mga tag-iya sa poultry alang sa kalihukan sa mga kabatan-onan.
Samtang gipasabaot usab ni Henry Baygan, 67 anyos, minyo nga niadto pang Pebrero 13, 2017 naghatag sila og petisyon sa Sangguniang Bayan sa Gigatum, Misamis Oriental bahin sa maong problema.
Apan pakyas matud pa sila tungod kay gipabalik sa Sangguniang Bayan ang petisyon ngadto sa mga opisyales sa Barangay.
Matud ni Kagawad Pitalyar nga gisugdan sa pipila ka mga residente ang pagbuhi sa mga manok niadto pang 2009, maong mga siyam ka tuig na kapin kon kulang ang ilang pag-antus sa maong problema.
